Bi uns letzte Utgaav vun "Wi snackt Platt" för düt Johr geiht dat üm't Glück, üm gode Vörsätz un wat to'n Lachen hebbt wi ok för Jo: ünner annern geiht dat op Besöök bi "Tante Dibbermeier" un twee Riemels un en Witz vun Benno Strandt hebbt wi ok noch för Jo.
![Wi snackt platt-Logo](https://www.phonostar.de/images/podcasts/3882_184x184.gif)
Regionales
Wi snackt platt Folgen
NDR 90,3 bringt de Mudderspraak vun Norddüütschland ok in´t würkliche Leven to´n Klingen - mit Reportagen un Musik op Plattdüütsch/Plattdeutsch.
Folgen von Wi snackt platt
28 Folgen
-
Folge vom 31.12.2023Wi snackt Platt: Goden Rutsch!
-
Folge vom 24.12.2023Wi snackt Platt: Wiehnachtsmann, kiek mi an!Bi "Wi snackt Platt" wüllt wi uns tohoop mit Jo op Wiehnachten freien: Schölerinnen und Schölers ut de Klass 3d vun’e School Lutterothstraat in Eimsbüddel leest plattdüütsche Wiehnachtsgedichten, Rudl Kinau vertellt sien Geschicht "De brune Schimmel" un de Wiehnachtsgeschicht na den Evangelist Lukas, de gifft dat ok to höörn - op Platt, versteiht sik! Moderatschoon: Jan Wulf
-
Folge vom 17.12.2023Wi snackt Platt: Wiehnachtsgeschenken, Wiehnachtsmann un HeringssalatDütmal hebbt wi bi "Wi snackt Platt" allerhand Tipps för Jo, wat Wiehnachtsgeschenken angeiht. Dat geiht üm plattdüütsche Böker, Musik, Spelen un Klenner – un dat sünd nich blots Saken för wussen Lüüd, sünnern ok för Kinner. Man dat is noch lang nich allens, denn, kloor: wi hebbt ok twee wiehnachtliche Geschicht för Jo. De unvergeten Reimer Bull, de düsse Daag sienen 90. Gebortsdag fiert harr, vertellt sienen Geschicht "De Wiehnachtsmann sien Hütt" un Gerd Spiekermann vertellt wat vun Wiehnachten, dat bi em nu ganz anners fiert warrt as in siene Kinnertiet. Moderatschoon: Jan Wulf
-
Folge vom 10.12.2023Wi snackt Platt: Finkwarder Speeldeel un WiehnachtsoratoriumDütmal geiht dat bi "Wi snackt Platt" üm de Wiehnachtskunzerten vun de Finkwarder Speeldeel. An'n 10. Dezember is de Chor, morgens Klock Ölven in'e Laeizhall to beleven, un an'n Sünnavend, den 16. Dezember, hett de Speeldeel en Optritt in'e Aula vun'e Stadtdeelschool Finkwarder. Dorto sünd wi bi "Wi snackt Platt" ok noch bi de Kantorei vun'e Hillig-Geist-Kark in Barmstedt in'n Landkreis Pinnbarg to Besöök. An'n 10. Dezember, avends Klock 6, is de Chor mit dat Wiehnachtsoratorium to beleven. Un twee wiehnachtliche Geschichten hebbt wi ok noch för Jo: vun Jan Graf un Gerd Spiekermann. Moderatschoon: Jan Wulf